ယခု ဖေဖော်ဝါရီလ၄ရက်က ထိုင်းနိုင်ငံ၊ ဘန်းနမြို့နယ်၊ ဘန်းန BTS ဘူတာအနီးရှိ မြေအောက် ဓါတ်အားလိုင်း တည်ဆောက်ရေးလုပ်ငန်းခွင်အတွင်း မြန်မာအလုပ်သမားတစ်ဦးသည် ၂၄ ပေခန့် အနက်ရှိသည့် တူးမြောင်းအတွင်းသို့ဆင်း၍ တစ်ဦးတည်းအလုပ်လုပ်ကိုင်နေစဉ် မြေသားနံရံများ ပြိုကျပိမိသဖြင့် အသက်ဆုံးရှုံးခဲ့မှုဖြစ်ပေါ်ခဲ့ကြောင်းသိရသည်။ထို့ကြောင့်အလုပ်သမားသံအရာရှိရုံးအနေဖြင့် အသက်ဆုံးရှုံးခဲ့သည့် မြန်မာအလုပ်သမားအတွက် နစ်နာမှုမရှိစေရေးနှင့် ရသင့်ရထိုက်သည်များကို ရရှိနိုင်ရေး သက်ဆိုင်ရာဌာနများနှင့် ပေါင်းစပ်ညှိနှိုင်းကာ ကူညီဆောင်ရွက်ပေးသွားမည်ဖြစ်ကြောင်းသိရသည်။
