လိပ်စာမေးမြန်း၍မရသည့် အသက် ၈၀ ကျော်အရွယ်ရှိသောအဘွားတစ်ဦးကို မိတ္ထီလာမြို့မှ မီးကင်းတဲပေါ်၌တွေ့ရှိခဲ့ပြီး အကူအညီပေးနိုင်ရန် လိုအပ်သောစီစဉ်မှုများကို လုပ်ဆောင်နေကြကြောင်း ဒေသခံများထံမှ သိရသည်။အဆိုပါ အဘွားကို မိတ္ထီလာမြို့ ချည်စက်အုတ်ကျင်းရွာ စာသင်ကျောင်းအနီး မီးကင်းတဲပေါ်တွင် လွန်ခဲ့သောဆယ်ရက်ခန့်မှ စ၍ ရောက်ရှိနေကြောင်း ဆက်သွယ်အကြောင်းကြားလာမှုကြောင့် ဆရာတော်ဦးသဇ္ဇနဦးဆောင်သော အကူအညီပေးမည့်သူများက ယနေ့(ဇန်နဝါရီ ၁၃ ရက်)တွင်သွားရောက်ခဲ့ကြခြင်းလည်းဖြစ်သည်။ဒေသခံအချို့မှာ လာရောက်စွန့်ပစ်ထားခြင်းမျိုးဖြစ်နိုင်ကြောင်းကို မှတ်ချက်ပြုပြောကြားခြင်းများရှိကြောင်း သိရသည်။
