ကရင်ပြည်နယ်၊ မြဝတီမြို့၊ အမှတ် (၄) ရပ်ကွက်၊ အောင်မြေရွှေဘို၊ အာရှလမ်းမကြီးဘေးက V8 Entertainment ဘားရှေ့တွင် သေနတ်ပစ်ခတ်မှုဖြစ်ပွားခဲ့ကြောင်း မြို့ခံများထံမှ သိရသည်။ဇန်နဝါရီ ၁၃ ရက် ည ၁၁ နာရီ မိနစ် ၄၀ အချိန်ခန့်က V8 Entertainment ဘားဆိုင်က ဝန်ဆောင်မှုပေးသည့်အပေါ် လက်နက်ကိုင်အဖွဲ့အစည်းတစ်ခုမှ တပ်ဖွဲ့ဝင်များက ကျေနပ်ခြင်းမရှိသဖြင့် စကားများခဲ့ကြကြောင်း သိရသည်။ထိုသို့ စကားများနေရာမှ လက်နက်ကိုင်အဖွဲ့ဝင် (၇) ဦးသည် ဘားအပြင်ထွက်လာပြီး လမ်းဘေးတွင် ရပ်ထားသည့် ကားအတွင်းရှိ သေနတ်ကိုယူကာ အဆိုပါ ဆိုင်ရှေ့အား ပစ်ခတ်ခဲ့ခြင်းဖြစ်ကြောင်း သိရှိရသည်။
