အမျိုးသမီးတစ်ဦးလျှင် လင်ယောက်ျား ၄ ဦးအထိ ယူနိုင်သည့် မူဝါဒကို ထိုင်းဝန်ကြီးချုပ်လောင်းတစ်ဦး အဆိုပြု

ကျား/မ တန်းတူညီမျှမှုရှိစေရန်အတွက် သက်ဆိုင်သူအားလုံး သဘောတူညီပါက အမျိုးသမီးတစ်ဦးအနေဖြင့် လင်ယောက်ျား ၄ ဦးအထိ ယူဆောင်ခွင့်ပြုသင့်ကြောင်း Thai Alternative ပါတီမှ ဝန်ကြီးချုပ်လောင်း Mongkolkit Suksintharanont က အဆိုပြုလိုက်သဖြင့် ထိုင်းနိုင်ငံတွင် ဝေဖန်ဆွေးနွေးမှုများ ပြင်းထန်နေသည်။ ၎င်းက ဤမူဝါဒသည် ကျား/မ အခွင့်အရေး တန်းတူညီမျှရေးအတွက်ဖြစ်သည်ဟု ဆိုသော်လည်း လူမှုကွန်ရက်တွင်မူ ၎င်း၏အဆိုပြုချက်သည် တိုးတက်သော အတွေးအခေါ်လား သို့မဟုတ် နိုင်ငံရေးအရ အာရုံစိုက်ခံရရန် ဖန်တီးခြင်းလားဆိုသည်ကို ငြင်းခုံနေကြသည်။ အဆိုပါ ဝန်ကြီးချုပ်လောင်းသည် ယခင်ကလည်း အာကာသတပ်ဖွဲ့ဖွဲ့စည်းရန်နှင့် နျူကလီးယားလက်နက် ပိုင်ဆိုင်ရန် စသည့် ထူးခြားဆန်းပြားသော အဆိုပြုချက်များကြောင့် လူသိများသူဖြစ်ပြီး၊ ယခုတစ်ကြိမ် အိမ်ထောင်ရေးဥပဒေဆိုင်ရာ အဆိုပြုချက်သည်လည်း လူထုအကြား ကျယ်ပြန့်သော ဆွေးနွေးမှုများကို ဖြစ်ပေါ်စေခဲ့ကြောင်း သိရှိရပါသည်။