ပညာရေးဒီဂရီကောလိပ်အချို့ကို ဆရာအတတ်သင်တက္ကသိုလ်အဖြစ် အဆင့်မြှင့်တင်ရန်နှင့် ဘွဲ့လွန်သင်တန်းများ တိုးမြှင့်ရန် ဆွေးနွေး

ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာချောချောစိန်သည် နေပြည်တော်၌ ကျင်းပသည့် ညှိနှိုင်းဆွေးနွေးပွဲတွင် ပညာရေးဒီဂရီကောလိပ်အချို့ကို ဆရာအတတ်သင်တက္ကသိုလ်အဖြစ် အဆင့်မြှင့်တင်ရေးနှင့် ဆရာ၊ ဆရာမများအတွက် ပညာရေးဘွဲ့၊ မဟာဘွဲ့နှင့် ပါရဂူဘွဲ့ (PhD) များ ဆက်လက်သင်ယူနိုင်မည့် အခွင့်အလမ်းများ တိုးမြှင့်ပေးရန် ဆွေးနွေးခဲ့သည်။ အဆိုပါ အစီအစဉ်တွင် ဆရာအတတ်သင်စနစ် ပိုမိုခိုင်မာစေရေး၊ ဆရာ၊ ဆရာမများ၏ ရာထူးနှင့် လစာတိုးမြှင့်ရေးတို့အပြင် အရည်အသွေးမြင့်မားသော ပညာရေးစနစ်တစ်ရပ် ပေါ်ထွန်းလာစေရန် ရည်ရွယ်၍ အလုပ်အကိုင်အခွင့်အလမ်းများ ပိုမိုကျယ်ပြန့်လာစေမည့် နည်းလမ်းများကိုပါ အလေးထား ဆောင်ရွက်သွားမည်ဖြစ်ကြောင်း သိရှိရပါသည်။