ရှမ်းပြည်နယ်၊ပန်သခွါး အခြေခံပညာ အထက်တန်းကျောင်းတွင် ပညာရေးစုံညီပွဲတော်နှင့်ဆုပေးပေးအပ်ခြင်းအခမ်းအနားကျင်းပပြုလုပ်

ရှမ်းပြည်နယ်တောင်ပိုင်း တောင်ကြီးမြိုနယ် အခြေခံပညာအထက်တန်းကျောင်း ပန်သခွားကျောင်းတွင် ၂၀၂၅-၂၆ ပညာရည်ချွန်ဆုပေးပွဲ အခမ်းအနားကျင်းပပြုလုပ်ခဲ့ကြောင်းသိရသည်။အဆိုပါ အခမ်းအနားတွင် နံနက်(၉)နာရီအချိန်တွင် စတင်ဖဲကြိုးဖြတ်ဖွင့်လှစ်ခဲ့ပြီး တောင်ကြီးမြို့နယ်၊ ဒုမြို့နယ်ပညာရေးမှူး ဦးမိုးဇင်အောင်မှ အဖွင့်အမှာစကားပြောကြားခဲ့ကာ ပအိုဝ်းစာပေနှင့်ယဉ်ကျေးမှု(ဗဟို)ဥက္ကဌ၊ ကျောင်းအကျိုးတော်ဆောင် ဦးခွန်ဝင်းကိုမှ ပညာရေးနှင့်ပတ်သက်သော အကြောင်းအရာများကိုပြောကြားခဲ့ကြောင်းသိရပါသည်။မြို့နယ်နယ်အဆင့်အာရှမြန်မာသီချင်းဖြင့် ပထမဆုရရှိသော ကျောင်းသား၊ ကျောင်းသူများအား ဒိုင်းဆုပေးအပ်ခြင်း၊ မြို့နယ်အဆင့် ဒုတိယဆုရရှိသော မြန်မာ့သိုင်းအားကစားကျောင်းသား၊ ကျောင်းသူများအား ဆုများပေးအပ်ခြင်း၊ မြို့နယ်အဆင့် ပထမဆုရရှိသော အေရိုးဘစ်အားကစား ကျောင်းသူများအား ဆုများပေးအပ်ခြင်း၊ မြို့နယ်အဆင့် အငယ်တန််း တတိယဆုရရှိသော ကျောင်းသူများအား ဆုပေးအပ်ခြင်း၊ G-12 ကျောင်းသူများမှ ပြည်ထောင်စုအလှသီချင်းဖြင့် ဖျော်ဖြေတင်ဆက်ခြင်း၊ ပညာရည်ချွန်ဆုရ ကျောင်းသား၊ ကျောင်းသူများအား ဆုပေးအပ်ခြင်း အစီအစဉ်များကိုဆောင်ရွက်ခဲ့ပြီးနောက် ကျောင်းသား၊ ကျောင်းသူများမှ အကပဒေသာများဖြင့် ဖျော်ဖြေတင်ဆက်ခဲ့ကြကြောင်းသိရပါသည်။