နိုင်ငံရေးသမား ၁၀ ဦးကို ကျားဖြန့်၊ လောင်းကစား၊ မူးယစ်နှင့် ဆက်နွှယ်မှုဖြင့် ထိုင်းရဲစုံစမ်းစစ်ဆေးနေ

ကျားဖြန့်လုပ်ငန်းများ၊ အွန်လိုင်းလောင်းကစားနှင့် မူးယစ်ဆေးဝါးမှောင်ခိုမှုများတွင် ပါဝင်ပတ်သက်သည်ဟု သံသယရှိရသည့် ထိုင်းနိုင်ငံရေးသမားများနှင့် အမတ်ဟောင်း ၁၀ ဦးထက်မနည်းကို စုံစမ်းစစ်ဆေးလျက်ရှိပြီး မကြာမီ ဖမ်းဆီးအရေးယူသွားမည်ဖြစ်ကြောင်း တရားရေးဝန်ကြီး ဒုတိယရဲဗိုလ်ချုပ်ကြီး ရုထာဖုန်း နဝရတ်က ဇန်နဝါရီလ ၉ ရက်နေ့တွင် ပြောကြားခဲ့သည်။ အစိုးရအနေဖြင့် အမှောင်စီးပွားရေးလုပ်ငန်းများကို နှိမ်နင်းရန် ပျက်ကွက်နေသည်ဟူသော အမတ်ဟောင်း ရန်စီမန်ရုန်း၏ စွပ်စွဲချက်အပေါ် ဝန်ကြီးက ပြန်လည်တုံ့ပြန်ရာ၌ ဆိုက်ဘာရဲတပ်ဖွဲ့နှင့် အထူးစုံစမ်းစစ်ဆေးရေးဦးစီးဌာန (DSI) တို့ ပူးပေါင်းကာ အချက်အလက်များ စုဆောင်းလျက်ရှိကြောင်း၊ ယခင်က ဤကိစ္စကို မူဝါဒပိုင်းအရသာ ဆွေးနွေးခဲ့သဖြင့် အထင်အမြင်လွဲမှားမှုများ ရှိခဲ့သော်လည်း အမှန်တကယ်တွင် နိုင်ငံရေးဩဇာအသုံးပြု၍ ရာဇဝတ်မှုကျူးလွန်နေသူများကို ထိရောက်စွာ အရေးယူရန် ပြင်ဆင်နေခြင်းဖြစ်ကြောင်း ရှင်းလင်းပြောကြားခဲ့ပြီး၊ ရန်စီမန်ရုန်းကမူ ယခုဖြစ်စဉ်သည် အစိုးရ၏ အုပ်ချုပ်ရေးညံ့ဖျင်းမှုနှင့် ရာဇဝတ်ဂိုဏ်းများ နိုင်ငံရေးအတွင်း ထိုးဖောက်ဝင်ရောက်လာမှုကို ပြသနေခြင်းဖြစ်ကြောင်း ဝေဖန်ခဲ့သည်ဟု သိရှိရပါသည်။