ကယားပြည်နယ်အတွင်း နေအိမ်ပျက်စီးခဲ့သည့် ပြည်သူများနှင့် ဝန်ထမ်းများအတွက် တန်ဖိုးသင့်အိမ်ရာ အလုံး ၅၀ လွှဲပြောင်းပေးအပ်

ကယားပြည်နယ်အတွင်း အဖျက်အမှောင့်လုပ်ရပ်များကြောင့် နေအိမ်ပျက်စီးဆုံးရှုံးခဲ့ရသည့် ဒေသခံပြည်သူများနှင့် ဝန်ထမ်းများအတွက် ပြန်လည်တည်ဆောက်ပေးထားသည့် တန်ဖိုးသင့်အိမ်ရာများ လွှဲပြောင်းပေးအပ်ပွဲအခမ်းအနားကို ဇန်နဝါရီလ ၉ ရက်နေ့က လွိုင်ကော်မြို့၊ မြို့နယ်ခန်းမ၌ ကျင်းပခဲ့ရာ ကယားပြည်နယ်ဝန်ကြီးချုပ်က ယခုအိမ်ရာများမှာ ပြည်သူများအတွက် အခြေခံအကာအကွယ်နှင့် မျှော်လင့်ချက်ကို ပြန်လည်တည်ဆောက်ပေးခြင်းဖြစ်ကြောင်း ပြောကြားခဲ့သည်။ ပြည်နယ်အစိုးရအနေဖြင့် ပြည်သူများအား မူလအသက်မွေးဝမ်းကျောင်းလုပ်ငန်းများ ပြန်လည်လုပ်ကိုင်နိုင်ရန် ပံ့ပိုးပေးလျက်ရှိပြီး လက်ရှိ ၂၀၂၅-၂၀၂၆ ဘဏ္ဍာနှစ်အတွင်း နေအိမ် အလုံး ၅၀ ကို ဆောက်လုပ်ပေးနိုင်ခဲ့ကာ နောင်ဘဏ္ဍာနှစ်များတွင်လည်း ထပ်မံဆောက်လုပ်ပေးနိုင်ရန် ကြိုးပမ်းသွားမည်ဖြစ်ကြောင်း သိရှိရပါသည်။