ဖိလစ်ပိုင်နိုင်ငံအလယ်ပိုင်းရှိ အမှိုက်ပုံကြီး ပြိုကျမှုကြောင့် အလုပ်သမားအများအပြား မြေပြိုမှုအတွင်း ပိတ်မိခဲ့ပြီးနောက် သေဆုံးသူခြောက်ဦးအထိ ရှိလာခဲ့သည်ဟု သိရသည်။စီဘူစီးတီးမြို့ရှိ ပုဂ္ဂလိကပိုင် ဘီနာလစ် အမှိုက်ပုံတွင် ဇန်နဝါရီ ၈ ရက်က လူနေတိုက်ခန်းအထပ် ၂၀ ခန့်အထိအမြင့်ရှိသည့် အမှိုက်တောင်ကြီး ပြိုကျခဲ့သဖြင့် သန့်ရှင်းရေးလုပ်သား ၅၀ ခန့် ပိတ်မိခဲ့ခြင်းဖြစ်ကြောင်း မြို့နယ်ကောင်စီဝင်တစ်ဦးက ခန့်မှန်းပြောကြားသည်။ဇန်နဝါရီ ၁၀ ရက်တွင် ကယ်ဆယ်ရေးသမားများက အပျက်အစီးများကြားမှ အသက်ရှင်ကျန်ရစ်သူများကို မြေတူးစက်များဖြင့် တူးဖော်ရှာဖွေနေကြသည်။
