၂၀၂၅ ခုနှစ်တွင် ဆက်သွယ်ရေးနှင့် အွန်လိုင်းလိမ်လည်မှုပေါင်း ၂၅၈,၀၀၀ ကို တရုတ်နိုင်ငံ ဖြေရှင်း

၂၀၂၅ ခုနှစ်အတွင်း တရုတ်နိုင်ငံရဲတပ်ဖွဲ့သည် နိုင်ငံတစ်ဝန်းရှိ ဆက်သွယ်ရေးနှင့် အွန်လိုင်းလိမ်လည်မှုပေါင်း ၂၅၈,၀၀၀ ကို အောင်မြင်စွာ ဖော်ထုတ်နိုင်ခဲ့ပြီး လိမ်လည်မှုနှင့် ဆက်နွှယ်နေသည့် ငွေကြေးယွမ် ၂၁.၇ သန်းကျော်ကို အရေးပေါ်ပိတ်ပင်ထိန်းချုပ်နိုင်ခဲ့ကြောင်း ပြည်သူ့လုံခြုံရေးဝန်ကြီးဌာနက ဇန်နဝါရီ ၈ ရက်တွင် ထုတ်ပြန်ခဲ့သည်။ လွန်ခဲ့သည့်နှစ်အတွင်း ငွေလိမ်ဂိုဏ်းများကို ဦးဆောင်သူနှင့် အဓိကအဖွဲ့ဝင် ၅၄၂ ဦးကို ဖမ်းဆီးနိုင်ခဲ့သည့်အပြင် တရုတ်ရဲတပ်ဖွဲ့သည် မြန်မာ၊ ထိုင်း၊ ကမ္ဘောဒီးယားနိုင်ငံတို့နှင့် ပူးပေါင်းကာ နိုင်ငံတကာဥပဒေစိုးမိုးရေးလုပ်ငန်းများကို အရှိန်မြှင့်ဆောင်ရွက်ခဲ့ရာ မြန်မာနိုင်ငံ၊ မြဝတီမြို့မှ သံသယရှိသူ တရုတ်နိုင်ငံသား ၇,၆၀၀ ကျော်ကိုလည်း တရုတ်နိုင်ငံသို့ ပြန်လည်လွှဲပြောင်းခေါ်ဆောင်နိုင်ခဲ့ကြောင်း သိရသည်။