အိန္ဒိယသံရုံးမှ နှစ်သစ်ကူးအထိမ်းအမှတ် စီးပွားရေးဆိုင်ရာတွေ့ဆုံပွဲကျင်းပကာ နှစ်နိုင်ငံကုန်သွယ်မှုမြှင့်တင်ရန် ဆွေးနွေး

အိန္ဒိယသံရုံးသည် နှစ်သစ်ကူးအထိမ်းအမှတ်အဖြစ် “New Year Meet and Greet Reception” စီးပွားရေးဆိုင်ရာတွေ့ဆုံပွဲကို ၂၀၂၆ ခုနှစ်၊ ဇန်နဝါရီလ ၉ ရက်နေ့က ရန်ကုန်မြို့ရှိ India House ၌ ကျင်းပပြုလုပ်ခဲ့သည်။ အဆိုပါအခမ်းအနားကို မြန်မာ့စျေးကွက်အတွင်း အိန္ဒိယနိုင်ငံထုတ် အဖျော်ယမကာများနှင့် စားသောက်ကုန်များကို ပိုမိုသိရှိလာစေရန်နှင့် စီးပွားရေးမြှင့်တင်ရန် ရည်ရွယ်ကျင်းပခြင်းဖြစ်သည်။ ပွဲတွင် ၂၀၂၅ ခုနှစ်အတွင်း အိန္ဒိယ-မြန်မာ နှစ်နိုင်ငံ ပူးပေါင်းဆောင်ရွက်မှု မှတ်တမ်းဗီဒီယိုများကို ပြသခဲ့ပြီး၊ ဆွာမိဝိဝေကာနန္ဒ ယဉ်ကျေးမှုဗဟိုဌာနမှ ဘောလိဝုဒ်နှင့် မြန်မာသီချင်းများဖြင့် ဖျော်ဖြေခဲ့ကြသည်။ အခမ်းအနားသို့ UMFCCI ဥက္ကဋ္ဌ၊ မြန်မာနိုင်ငံ သတင်းမီဒီယာကောင်စီဝင်များ၊ မြန်မာအမျိုးသမီး စီးပွားရေးစွမ်းဆောင်ရှင်များအသင်းနှင့် ပြည်တွင်းအရက်ချက်လုပ်ငန်းရှင်များ၊ တင်သွင်းဖြန့်ဖြူးသူများအပါအဝင် ကိုယ်စားလှယ်ပေါင်း ၅၀ ကျော် တက်ရောက်ခဲ့ကြကြောင်း သိရှိရပါသည်။