မြန်မာ့ရိုးရာမုန့်မျိုးစုံပြိုင်ပွဲကျင်းပမည်ဖြစ်ပြီး ဆုရရှိသူများကို ယင်လုံမှန်အိမ်နှင့် အရင်းအနှီးမတည်ငွေများ ချီးမြှင့်မည်

မြန်မာ့ရိုးရာမုန့်များ ပြန်လည်ထွန်းကားလာစေရန်နှင့် ကျန်းမာရေးနှင့်ညီညွတ်သော စားသုံးမှုအလေ့အထများ တိုးတက်လာစေရန်ရည်ရွယ်၍ မြန်မာဂျပန် လူမှုစီးပွားဖွံ့ဖြိုးတိုးတက်ရေးပူးပေါင်းဆောင်ရွက်မှုအသင်း (AMJSEDC) က ကြီးမှူးသော မြန်မာ့ရိုးရာမုန့်မျိုးစုံပြိုင်ပွဲကို ၂၀၂၆ ခုနှစ်၊ ဇန်နဝါရီလ ၃၁ ရက်တွင် ဗဟန်းမြို့နယ်၊ မြေပဒေသာကျွန်း၌ ကျင်းပသွားမည်ဖြစ်သည်။ ပြိုင်ပွဲတွင် မုန့်ဟင်းခါး၊ အုန်းနို့ခေါက်ဆွဲနှင့် ရိုးရာမုန့်မျိုးစုံတို့ဖြင့် ပါဝင်ယှဉ်ပြိုင်နိုင်ပြီး အမှန်တကယ်ရောင်းချနေသူများနှင့် ဆက်လက်ရောင်းချလိုသူများကို ဦးစားပေးရွေးချယ်မည်ဖြစ်သည်။ အုပ်စုတစ်ခုလျှင် သန့်ရှင်းကောင်းမွန်စွာ ပြုလုပ်နိုင်သူ တစ်ဦးစီကို ရွေးချယ်၍ မုန့်ရောင်းချရန် ယင်လုံမှန်အိမ်တစ်လုံးနှင့် လုပ်ငန်းအမျိုးအစားအလိုက် အရင်းအနှီးမတည်ငွေများကို ဆုအဖြစ် ချီးမြှင့်သွားမည်ဖြစ်ကြောင်း သိရှိရပါသည်။