ဧရာဝတီတိုင်း ပင်လယ်ကမ်းခြေအပန်းဖြေစခန်းများ၌ ပြည်တွင်း၊ ပြည်ပခရီးသွား ၂၂,၀၀၀ ကျော် လာရောက်အပန်းဖြေ

၂၀၂၆ ခုနှစ်၏ နှစ်သစ်ကူးပိတ်ရက်အတွင်း ဧရာဝတီတိုင်းဒေသကြီး ပင်လယ်ကမ်းခြေအပန်းဖြေစခန်းများဖြစ်သော ငွေဆောင်၊ ချောင်းသာ၊ ရွှေသောင်ယံနှင့် ဂေါ်ရန်ဂျီကမ်းခြေများသို့ ပြည်တွင်း၊ ပြည်ပခရီးသွား ၂၂,၀၀၀ ကျော် လာရောက်အပန်းဖြေခဲ့ကြောင်း တိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးဌာနမှ သိရသည်။နှစ်သစ်ကူးပိတ်ရက်ဖြစ်သော ဇန်နဝါရီ ၁ ရက်မှ ၄ ရက်အထိ ပိတ်ရက်များအတွင်း ငွေဆောင်ကမ်းခြေသို့ ပြည်တွင်းခရီးသွား ၁၂,၀၀၀ ကျော်၊ ပြည်ပခရီးသွား ၃၉၀ ကျော်၊ ချောင်းသာကမ်းခြေသို့ ပြည်တွင်းခရီးသွား ၉,၄၀၀ ကျော်၊ ပြည်ပခရီးသွား ၃၇ ဦး၊ ရွှေသောင်ယံကမ်းခြေသို့ ပြည်တွင်းခရီးသွား ၅၀၀ ကျော်၊ ပြည်ပခရီးသွား ၁၉ ဦး၊ ဂေါ်ရန်ဂျီကျွန်းသို့ ပြည်တွင်းခရီးသွား ၃၂ ဦးတို့ဖြင့် စုစုပေါင်း နှစ်သစ်ဦး ခရီးသွား၂၂,၀၀၀ ကျော် လာရောက်အပန်းဖြေခဲ့သည်။၂၀၂၅ ခုနှစ်တွင် ဧရာဝတီတိုင်းဒေသကြီးသို့ ပြည်တွင်းခရီးသွား ၁၅ သိန်း ၂,၆၆၃ ဦး၊ ပြည်ပ ခရီးသွား ၁၈,၉၅၆ ဦးဖြင့် စုစုပေါင်း ပြည်တွင်း၊ ပြည်ပခရီးသွား ၁၅ သိန်းကျော် ဝင်ရောက်ခဲ့သည်။နှစ်သစ်ကူးပိတ်ရက်ရှည်ကာလ၌ ဧရာဝတီတိုင်းဒေသကြီးရှိ ပင်လယ်ကမ်းခြေအပန်းဖြေစခန်းများသို့ ပြည်ပနိုင်ငံပေါင်း ၁၃ နိုင်ငံမှ နိုင်ငံခြားခရီးသွားများ လာရောက်အပန်းဖြေခဲ့ကြပြီး အထူးသဖြင့် တရုတ်၊ ရုရှား၊ အိန္ဒိယနှင့် ထိုင်းနိုင်ငံတို့မှ ခရီးသွားများ အများဆုံး ဝင်ရောက်ခဲ့သည်။