ကျောင်းပြင်ပအလယ်တန်းပညာရေးကို မြို့နယ် ၂၉ မြို့နယ်၌ ကျောင်းသား ကျောင်းသူ ၂,၆၁၅ ဦးဖြင့် အကောင်အထည်ဖော်ဆောင်ရွက်နေ

၂၀၂၅ - ၂၀၂၆ ပညာသင်နှစ်၊ ကျောင်းပြင်ပ အလယ်တန်းပညာရေး ဒုတိယစာသင်နှစ်ဝက် (Semester 2 , 4 , 6) နည်းပြများစွမ်းရည်မြှင့်သင်တန်းဖွင့်ပွဲကို ယနေ့နံနက် ၉ နာရီတွင် ရန်ကုန်မြို့ အမှတ်(၄၂၆) ပြည်လမ်းရှိ ကျောင်းပြင်ပနှင့်တစ်သက်တာပညာရေးဦးစီးဌာန ရုံးခန်းမ၌ ကျင်းပသည်။ယခုကျင်းပသည့် ၂၀၂၅ - ၂၀၂၆ ပညာသင်နှစ် ဒုတိယ စာသင်နှစ်ဝက် (Semester 2, 4, 6) နည်းပြများ စွမ်းရည်မြှင့်သင်တန်းကို ဇန်နဝါရီ ၇ ရက်မှ ၁၆ ရက်အထိ ကျင်းပဆောင်ရွက်မည်ဖြစ်သည်။အခမ်းအနားအပြီးတွင် ဒုတိယဝန်ကြီးသည် ကျောင်းပြင်ပနှင့် တစ်သက်တာပညာရေးဦးစီးဌာနရှိ ဆယ်ခန်းတွဲ ဝန်ထမ်းအိမ်ရာများကို လှည့်လည်ကြည့်ရှုစစ်ဆေးကာ လိုအပ်သည်များကို ဖြည့်ဆည်းဆောင်ရွက်ပေးသည်။