မြန်မာနှင့် ဆိုမာလီယာ သံအမတ်ကြီးများ တွေ့ဆုံ၍ သံတမန်ဆက်ဆံရေး ထူထောင်ရန် ဆွေးနွေး

အီသီယိုပီးယားနိုင်ငံဆိုင်ရာ မြန်မာသံအမတ်ကြီး ဦးအောင်မင်းဦးသည် ဒီဇင်ဘာ ၃၀ ရက်တွင် အဒစ်အဘာဘာမြို့ရှိ ဆိုမာလီယာသံရုံးသို့ သွားရောက်ကာ ဆိုမာလီယာသံအမတ်ကြီး H.E. Mr. Abdullahi Mohamed Warfa နှင့် တွေ့ဆုံခဲ့သည်။ အဆိုပါတွေ့ဆုံမှုတွင် မြန်မာနှင့် ဆိုမာလီယာနိုင်ငံအကြား သံတမန်ဆက်ဆံရေး တရားဝင်ထူထောင်နိုင်ရေး ကိစ္စရပ်များကို အဓိကထား ဆွေးနွေးခဲ့ကြပြီး၊ နှစ်နိုင်ငံအကြား ကဏ္ဍစုံတွင် အကျိုးတူပူးပေါင်းဆောင်ရွက်သွားနိုင်မည့် အခြေအနေများကိုပါ ရင်းနှီးပွင့်လင်းစွာ အမြင်ချင်းဖလှယ်ခဲ့ကြကြောင်း သိရှိရပါသည်။