နေပြည်တော်တွင် ဘုရားပန်းဈေးကြီးလာသဖြင့် တာရှည်ခံပန်းများဘက် ဝင်ငွေနည်းလူတန်းစား ဦးလှည့်လာ

နေပြည်တော်ဈေးများတွင် ဘုရားပန်းများဈေးကြီးသဖြင့် ဝန်ထမ်းများနှင့် ဝင်ငွေနည်းအခြေခံလူတန်းစားမှာ ဇော်စိမ်း၊ဇော်ကျား စသည့် တာရှည်ခံပန်းဘက်လှည့်ကာ ဝယ်ယူသူများလာကြောင်း ပန်းစျေးသည်များထံမှ သိရသည်။ “ဘုရားပန်းဈေးကလည်း အခြားကုန်ဈေးနှုန်းကြီးသလိုမျိုးလိုက်ကြီးနေတာ။ သာမန်အခြေခံလူတန်းစားတွေအတွက် ပန်းဈေးတွေကြီးတော့ ဈေးနည်းတာရှည်ခံပန်းတွေဘဲဝယ်လှူတာများလာတယ်။အလှပန်းတွေက ဈေးကြီးပြီးအလွန်ဆုံး(၃ရက်၊၄ရက်)ဘဲခံတော့ တာရှည်ခံအောင် သပြေငုတ်၊ ဇော်စိမ်း၊ဇော်ကျားနဲ့ ရွက်လှလို အညွန့်ပန်းတွေ ဝယ်ကြတာများတယ်။ အဲဒီပန်းတွေက ရေမှန်မှန်လဲပေးရင် အနည်းဆုံးတစ်လလောက် အသာလေးခံတယ်”ဟု ပန်းဝယ်သူတစ်ဦးမှပြောသည်။နေပြည်တော်ပန်ဈေးကွက်တွင်ရှမ်းပြည်နယ်ဖက်ကဝင်သည့် နှင်းဆီ၊ဂန္ဓမာ၊မေမြို့ပန်းများမှာ (၁၀)ပွင့်ပါ တစ်စီးလျှင်(၅,၀၀၀/၆,၀၀၀)ရောင်းကြပြီး အညွန့်ပန်းဖြစ်သည့်သပြေမှာ သပြေငုတ်တစ်ငုတ်လျှင်(၁,၀၀၀မှ၅,၀၀၀) ၊ငုတ်အရွယ်အစားပေါ်မူတည်၍ရောင်းကြသည်ဟု သိရသည်။