စင်ကာပူတွင် ရဲတပ်ဖွဲ့ပိုင် ရာဇဝတ်မှုသတိပေးဆိုင်းဘုတ်ကို ဖျက်ဆီးခဲ့တဲ့ အမျိုးသားတစ်ဦး တရားစွဲဆိုခံရ

စင်ကာပူနိုင်ငံ Stadium Place လမ်းတစ်လျှောက်မှာ စိုက်ထူထားတဲ့ ရဲတပ်ဖွဲ့ပိုင် ရာဇဝတ်မှုဆိုင်ရာ သတိပေးဆိုင်းဘုတ်ကို ဖျက်ဆီးခဲ့မှုနဲ့ အသက် ၃၇ နှစ်အရွယ် အမျိုးသားတစ်ဦးကို ဇန်နဝါရီလ ၃ ရက်၊ စနေနေ့မှာ တရားရုံးတင် စွဲချက်တင်ခဲ့တာဖြစ်ပါတယ်။ အဆိုပါဖြစ်စဉ်ဟာ ပြီးခဲ့တဲ့ ဒီဇင်ဘာလ ၃၀ ရက်နေ့ ညနေ ၄ နာရီ ၁၀ မိနစ်ဝန်းကျင်မှာ ဖြစ်ပွားခဲ့တာလို့ ရဲတပ်ဖွဲ့ရဲ့ သတင်းထုတ်ပြန်ချက်အရ သိရပါတယ်။အကယ်၍ အများပြည်သူပိုင်ပစ္စည်း ဖျက်ဆီးမှု (Vandalism) နဲ့ ပြစ်မှုထင်ရှားခဲ့မယ်ဆိုရင် အဆိုပါအမျိုးသားဟာ ဒဏ်ငွေ စင်ကာပူဒေါ်လာ ၂,၀၀၀ အထိဖြစ်စေ၊ ထောင်ဒဏ် ၃ နှစ်အထိဖြစ်စေ ချမှတ်ခံရနိုင်သလို မဖြစ်မနေ ကြိမ်ဒဏ် ၃ ချက်ကနေ ၈ ချက်အထိပါ ပူးတွဲချမှတ်ခံရနိုင်ပါတယ်။ဥပဒေတင်းကြပ်တဲ့ စင်ကာပူနိုင်ငံမှာ အပျော်သဘောနဲ့ဖြစ်စေ၊ ဒေါသအလျောက်ဖြစ်စေ အများပြည်သူပိုင်ပစ္စည်းတွေကို မဖျက်ဆီးမိဖို့ အထူးသတိပြုကြစေလိုပါတယ်။