မကွေးတိုင်း၊ဆင်ပေါင်ဝဲမြို့နယ်၌ (၇၈)နှစ်မြောက် လွတ်လပ် ရေးနေ့ အခမ်းအနားကျင်းပ

မကွေးတိုင်းတွင် (၇၈) နှစ်မြောက်လွတ်လပ်ရေးနေ့ အလံတင် အခမ်းအနားကို မကွေးတိုင်းဒေသကြီး၊ အောင်လံခရိုင်၊ဆင်ပေါင်ဝဲမြို့နယ်တွင် ဇန်နဝါရီ ၄ ရက်နေ့ နံနက်၄နာရီ၂၀မိနစ်အချိန်ကမြို့နယ်အထွေထွေအုပ်ချုပ်ရေးဦးစီးဌာနရုံးတွင် ကျင်းပပြုလုပ်သည်။ထို့နောက် ယနေ့နံနက် ၇ နာရီ အချိန်က ဆင်ပေါင်ဝဲမြို့နယ်ခန်းမတွင် (၇၈)နှစ်မြောက် လွတ်လပ်ရေးနေ့ သဝဏ်လွှာဖတ်ကြားခြင်း အခမ်းအနားကျင်းပသည်။အဆိုပါအခမ်းအနားသို့တက်ရောက်လာသူများအား ဆင်ပေါင်ဝဲမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနဝန်ထမ်းများမှ (၇၈) နှစ်မြောက် လွတ်လပ်ရေးနေ့အထိမ်းအမှတ်သတင်း စကားလက်ကမ်းစာစောင်များ ဝေငှပေးခဲ့ကြောင်း သိရသည်။