ရှမ်းပြည်နယ်အရှေ့ပိုင်း တာချီလိတ်မြို့၌ (၂၈) ကြိမ်မြောက် လားဟူတိုင်းရင်းသားရိုးရာ စုပေါင်းနှစ်သစ်ကူးပွဲတော် ကျင်းပ

ရှမ်းပြည်နယ် (အရှေ့ပိုင်း)၊ တာချီလိတ်မြို့နယ်ရှိ ရေပူစမ်းစံပြကျေးရွာတွင် (၂၈) ကြိမ်မြောက် လားဟူတိုင်းရင်းသားရိုးရာ စုပေါင်းနှစ်သစ်ကူးပွဲတော်ကို ယနေ့ ဇန်နဝါရီ ၂ ရက် နံနက်ပိုင်းက စည်ကားသိုက်မြိုက်စွာ ကျင်းပခဲ့သည်။ အဆိုပါပွဲတော်တွင် တြိဂံဒေသတိုင်းစစ်ဌာနချုပ် တိုင်းမှူးက ဂုဏ်ပြုစကားပြောကြားခဲ့ပြီး လားဟူလူငယ်များက သက်ကြီးရွယ်အိုများအား ရိုးရာလက်ဆေးမင်္ဂလာပြုလုပ်ခြင်း၊ ဗူးပလွေတီးမှုတ်ခြင်းနှင့် "ကာခေ့" ဟုခေါ်သော ရိုးရာမြေဝိုင်းအကများဖြင့် ကပြဖျော်ဖြေခဲ့ကြသည်။ လားဟူမျိုးနွယ်စုဝင်များ တစ်နှစ်တစ်ကြိမ် ပြန်လည်ဆုံတွေ့နိုင်ရန်နှင့် တိမ်မြှုပ်နေသော ရိုးရာယဉ်ကျေးမှု အမွေအနှစ်များကို ပြန်လည်ဖော်ထုတ်ရန် ရည်ရွယ်ကျင်းပခြင်းဖြစ်ကာ လားဟူမျိုးနွယ်စု (၂၀) ကျော်မှ တိုင်းရင်းသားများ စုပေါင်းဆင်နွှဲခဲ့ကြကြောင်း သိရှိရပါသည်။