ထိုင်းအနုပညာရှင် Dome Pakorn Lam ကို လိင်ပိုင်းဆိုင်ရာအနှောင့်အယှက်ပေးမှု ဥပဒေအသစ်ဖြင့် ပထမဆုံးအကြိမ် တရားစွဲဆို

ထိုင်းနိုင်ငံ၏ ပြင်ဆင်သတ်မှတ်လိုက်သော လိင်ပိုင်းဆိုင်ရာအနှောင့်အယှက်ပေးမှုဆိုင်ရာ ဥပဒေအသစ် စတင်အသက်ဝင်သည့် ဒီဇင်ဘာလ ၃၀ ရက်နေ့တွင်ပင် နာမည်ကျော်သရုပ်ဆောင်နှင့် အဆိုတော် Dome Pakorn Lam သည် နိုင်ငံရေးသမား Sudarat Keyuraphan ၏ သမီးဖြစ်သူ Jinny ၏ ဓာတ်ပုံအောက်တွင် လိင်ပိုင်းဆိုင်ရာ ရည်ညွှန်းသည့် မလျော်ကန်သော မှတ်ချက်ရေးသားခဲ့မှုဖြင့် တရားစွဲဆိုခြင်း ခံလိုက်ရသည်။ အဆိုပါဖြစ်ရပ်နှင့်ပတ်သက်၍ Dome က ၎င်းကိုယ်တိုင် အရက်သောက်ထားစဉ် မဆင်မခြင် ရေးသားမိခဲ့ခြင်းဖြစ်ကြောင်း ဝန်ခံတောင်းပန်ခဲ့သော်လည်း Thai Sang Thai ပါတီနှင့် ကာယကံရှင်မိသားစုဘက်က ဥပဒေအရ ပြတ်သားစွာ အရေးယူသွားမည်ဟု ကြေညာခဲ့ရာ၊ ၎င်းသည် အွန်လိုင်းမှတစ်ဆင့် နှုတ်ဖြင့်စော်ကားမှုများပါ ပြစ်မှုမြောက်သည့် ဥပဒေအသစ်အရ ထောင်ဒဏ် ၅ နှစ်အထိဖြစ်စေ၊ ငွေဒဏ် ဘတ် ၁ သိန်းအထိဖြစ်စေ ပြစ်ဒဏ်ချမှတ်ခံရနိုင်သည့် ပထမဆုံးသော သာဓကဖြစ်လာခဲ့သည်။