သင်္ဃန်းကျွန်းမြို့နယ် သုမင်္ဂလာရပ်ကွက်အတွင်း မီးလန့်မှုဖြစ်ပွား၊ မီးသတ်တပ်ဖွဲ့မှ အချိန်မီထိန်းသိမ်းနိုင်ခဲ့

ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ သုမင်္ဂလာရပ်ကွက်၊ ဣစာသရလမ်းသွယ်တွင် ယနေ့ ဒီဇင်ဘာလ ၃၀ ရက် ည ၇ နာရီ ၄၅ မိနစ်ဝန်းကျင်က မီးလောင်မှုဖြစ်ပွားကြောင်း သတင်းအရ သင်္ဃန်းကျွန်းမြို့နယ်မီးသတ်စခန်းမှ မီးငြှိမ်းသတ်ယာဉ် (၂) စီးဖြင့် သွားရောက်ငြှိမ်းသတ်ခဲ့ရာ ည ၇ နာရီ ၅၇ မိနစ်တွင် မီးငြိမ်းသွားခဲ့ပြီး၊ အဆိုပါဖြစ်စဉ်မှာ ကြီးကြီးမားမားလောင်ကျွမ်းခြင်းမဟုတ်ဘဲ မီးလန့်မှုသာဖြစ်ကြောင်း သိရသည်။