မကွေးတိုင်းဒေသကြီး၊ အောင်လံခရိုင်၊ ဆင်ပေါင်ဝဲမြို့နယ်တွင် (၇၈) နှစ်မြောက် လွတ်လပ်ရေးနေ့အထိမ်းအမှတ် ဟောပြောပွဲ၊ စာစီစာကုံးပြိုင်ပွဲ၊ ဆေးရောင်ခြယ်ပြိုင်ပွဲ၊ စာအုပ်စာစောင်များနှင့် အသိပညာပေး နံရံကပ် ပိုစတာများကို ယနေ့နံနက် ၉ နာရီအချိန်က လူထုအခြေပြုဗဟိုဌာန (Community Centre)ခန်းမနှင့်ကလေးစာဖတ်ခန်း၌ ကျင်းပသည်။ဆက်လက်ပြီး ဆေးရောင်ခြယ်ပြိုင်ပွဲဝင် ကျောင်းသား၊ ကျောင်းသူများအား မုန့်များ ပေးအပ်ခဲ့ရာ စာစီစာကုံးပြိုင်ပွဲတွင် ဆုရရှိသူများအား (၇၈) နှစ်မြောက် လွတ်လပ်ရေးနေ့အခမ်းအနားတွင် ဆုများပေးအပ်သွားမည်ဖြစ်ကြောင်း သိရသည်။
