လာအိုနိုင်ငံ၊ ဗီယင်ကျန်းပြည်နယ်တရားရုံးက ထိုင်းနှင့် တရုတ်နိုင်ငံသားများအပါအဝင် ၅ ဦးကိုထောင်ဒဏ်တစ်သက်တစ်ကျွန်းအထိ ပြစ်ဒဏ်ချမှတ်

လာအိုနိုင်ငံ၊ ဗီယင်ကျန်းပြည်နယ်တရားရုံးသည် မူးယစ်ဆေးဝါးရောင်းဝယ်မှု၊ လိမ်လည်မှုနှင့် ယာဉ်စည်းကမ်းဖောက်ဖျက်မှု အပါအဝင် ပြစ်မှုအမျိုးမျိုးကျူးလွန်ခဲ့သည့် ထိုင်းနှင့် တရုတ်နိုင်ငံသားများပါဝင်သော လူ ၅ ဦးကို ပြစ်ဒဏ်များ အသီးသီးချမှတ်ခဲ့သည်။ အဆိုပါ ပြစ်ဒဏ်ချမှတ်ခံရသူများအနက် ပြင်းထန်သော မူးယစ်ဆေးဝါးမှု ကျူးလွန်ခဲ့သူတစ်ဦးကို ထောင်ဒဏ်တစ်သက်တစ်ကျွန်း ချမှတ်ခဲ့ကြောင်း သိရသည်။ ယခုကဲ့သို့ နိုင်ငံခြားသားများပါဝင်သည့် ရာဇဝတ်မှုများကို ပြတ်သားစွာ အရေးယူလိုက်ခြင်းမှာ ပြည်နယ်အတွင်း တရားဥပဒေစိုးမိုးရေးနှင့် ရာဇဝတ်မှုလျှော့ချရေးအတွက် ဆောင်ရွက်ခြင်းဖြစ်ကြောင်း တရားရုံး၏ ထုတ်ပြန်ချက်အရ သိရှိရပါသည်။