အာဆင်နယ်နောက်ခံလူဟောင်း ကလစ်ချီကို ဘာပေပိုင်ဆိုင်သည့် ကိန်းအသင်း၏ နည်းပြသစ်အဖြစ် ခန့်အပ်

အာဆင်နယ်နှင့် မန်စီးတီးနောက်ခံလူဟောင်း ဂေးလ်ကလစ်ချီ (Gael Clichy) သည် ပြင်သစ်ဒုတိယတန်းကလပ် ကိန်း (SM Caen) အသင်း၏ နည်းပြအဖြစ် ခန့်အပ်ခြင်းခံရကြောင်း သိရသည်။ အသက် ၄၀ အရွယ်ရှိပြီဖြစ်သော ကလစ်ချီသည် ယခင်က ပြင်သစ် ယူ-၂၁ အသင်းတွင် အွန်နရီ၏ လက်ထောက်နည်းပြအဖြစ် တာဝန်ယူခဲ့ဖူးသူဖြစ်သည်။ ထူးခြားချက်မှာ ကိန်းအသင်းသည် ရီးယဲလ်မက်ဒရစ်ကြယ်ပွင့် ဘာပေ (Kylian Mbappé) ပိုင်ဆိုင်သည့် ကလပ်အသင်းဖြစ်ပြီး ကလစ်ချီအတွက်မူ ၎င်း၏ ပထမဆုံးသော အသင်းကြီးနည်းပြဘဝ စတင်ခြင်းလည်း ဖြစ်သည်။