လာအိုနိုင်ငံ ၂၀၂၆ ခုနှစ်အတွက် အစိုးရရုံးပိတ်ရက်များ ထုတ်ပြန်ကြေညာ

လာအိုနိုင်ငံ အလုပ်သမားနှင့် လူမှုဝန်ထမ်းဝန်ကြီးဌာနသည် ၂၀၂၆ ခုနှစ်အတွင်း တစ်နိုင်ငံလုံးအတိုင်းအတာဖြင့် သတ်မှတ်မည့် အစိုးရရုံးပိတ်ရက်များနှင့် အစားထိုးပိတ်ရက်စာရင်းကို ထုတ်ပြန်ကြေညာလိုက်သည်။ အဆိုပါ ထုတ်ပြန်ချက်အရ ဇန်နဝါရီလ ၁ ရက်တွင် အပြည်ပြည်ဆိုင်ရာ နှစ်သစ်ကူးနေ့၊ မတ်လ ၈ ရက်တွင် ကျရောက်မည့် အပြည်ပြည်ဆိုင်ရာ အမျိုးသမီးများနေ့အတွက် မတ်လ ၉ ရက်ကို အစားထိုးပိတ်ရက်အဖြစ်လည်းကောင်း၊ ဧပြီလ ၁၄ ရက်မှ ၁၆ ရက်အထိ လာအိုနှစ်သစ်ကူး (သင်္ကြန်) ပွဲတော်ရက်များအဖြစ်လည်းကောင်း အသီးသီးသတ်မှတ်ထားသည်။ ထို့ပြင် မေလ ၁ ရက်တွင် အပြည်ပြည်ဆိုင်ရာ အလုပ်သမားနေ့၊ ဇူလိုင်လ ၂၀ ရက်တွင် လာအိုအမျိုးသမီးများအဖွဲ့ချုပ် တည်ထောင်သည့်နေ့ (နိုင်ငံ့ဝန်ထမ်းနှင့် အမျိုးသမီးလုပ်သားများသာ ပိတ်ရက်ရရှိမည်) နှင့် ဒီဇင်ဘာလ ၂ ရက်တွင် လာအိုအမျိုးသားနေ့တို့အဖြစ် သတ်မှတ်ထားကြောင်း သိရသည်။