Global Soccer Awards ဆုပေးပွဲတွင် လမင်းယာမဲလ် ဆု ၃ ဆုဖြင့် ထိပ်ဆုံးမှ အောင်ပွဲခံခဲ့ပြီး ဒမ်ဘီလီ တစ်နှစ်တာအကောင်းဆုံးကစားသမားဆု ဆွတ်ခူး

မနေ့ညက ကျင်းပပြုလုပ်ခဲ့သည့် Global Soccer Awards ဆုပေးပွဲတွင် ဘာစီလိုနာအသင်း၏ လူငယ်ကြယ်ပွင့် လမင်းယာမဲလ်သည် အကောင်းဆုံး ယူ-၂၃ ကစားသမားဆု၊ အကောင်းဆုံးရှေ့တန်းကစားသမားဆုနှင့် မာရာဒိုနာဆုဟူသော ဆုကြီး ၃ ဆုကို တစ်ဦးတည်း သိမ်းပိုက်နိုင်ခဲ့ပြီး၊ တစ်နှစ်တာ အကောင်းဆုံးကစားသမားဆုကို ဒမ်ဘီလီက ဆွတ်ခူးရရှိခဲ့ကြောင်း သိရသည်။ အဆိုပါဆုပေးပွဲတွင် ပီအက်စ်ဂျီအသင်းသည် အကောင်းဆုံးကလပ်အသင်းဆုနှင့်အတူ ၎င်းတို့၏နည်းပြ လူးဝစ် အန်နရီကေးက အကောင်းဆုံးနည်းပြဆု၊ ဗီတင်ညာက အကောင်းဆုံးကွင်းလယ်လူဆုတို့ကို ရရှိခဲ့ကြသလို၊ ပေါ်တူဂီအသင်းက အကောင်းဆုံးနိုင်ငံအသင်းဆု၊ စီရော်နယ်ဒိုက အကောင်းဆုံးအရှေ့အလယ်ပိုင်းကစားသမားဆုနှင့် ရာဖင်ညာက အကောင်းဆုံးလာလီဂါကစားသမားဆုတို့ကို အသီးသီး ဆွတ်ခူးနိုင်ခဲ့ကြကာ အကောင်းဆုံးအမျိုးသမီးကစားသမားဆုကိုမူ ဘွန်မာတီက ရရှိခဲ့သည်။