ကမ္ဘောဒီးယား - ထိုင်း နယ်စပ်က စစ်ဘေးရှောင်ကလေးငယ်တွေကို လှူဒါန်းဖို့အတွက် အရုပ်တွေနဲ့ တစ်ကွင်းလုံးပြည့်ခဲ့တဲ့ ကမ္ဘောဒီးယားလိဂ်

မနေ့က ကစားခဲ့တဲ့ ကမ္ဘောဒီးယားပရီးမီးယားလိဂ် ပွဲစဉ်တစ်ပွဲဖြစ်တဲ့ Boeung Ket နဲ့ Preah Khan Reach Svay Rieng အသင်းတို့ပွဲစဉ်မှာ နှစ်ဖက်ပရိသတ်တွေက ကွင်းအတွင်း အရုပ်လေးတွေ ပစ်ပေါက်ခဲ့ကြတာ တစ်ကွင်းလုံး အပြည့်နီးပါး ဖြစ်ခဲ့ပါတယ်။ ဒီအရုပ်ကလေးတွေက ကမ္ဘောဒီးယား - ထိုင်း နယ်စပ်က စစ်ဘေးရှောင်ကလေးငယ်တွေကို လှူဒါန်းဖို့အတွက် ဖြစ်ပြီး Boeung Ket အသင်းကလည်း လက်မှတ်ရောင်းရငွေအားလုံးကို စစ်ဘေးရှောင်တွေအတွက် လှူဒါန်းခဲ့ပါတယ်။ ဒီအစီအစဉ်ကို အိမ်ရှင်အသင်းဖြစ်တဲ့ Boeung Ket က ဦးဆောင်နှိုးဆော်ခဲ့တာဖြစ်ပြီး ကမ္ဘောဒီးယားမီဒီယာတွေမှာလည်း ဂုဏ်ယူစရာမှတ်တမ်းအဖြစ် ချီးကျုးရေးသားဖော်ပြနေကြပါတယ်။