မေဆန်မောင့်အား လူစားလဲခဲ့မှုမှာ ဒဏ်ရာအခြေအနေကြောင့်ဖြစ်ကြောင်း နည်းပြ အာမိုရင်မ် ရှင်းလင်း

မန်ယူနိုက်တက်နည်းပြ ရူဘင်အာမိုရင်မ်က ဝုလ်ဗ်နှင့်ပွဲတွင် မေဆန်မောင့်အား ပထမပိုင်းအပြီး၌ လူစားလဲခဲ့ခြင်းမှာ ကစားသမား၏ နာကျင်မှုဝေဒနာကြောင့်ဖြစ်ပြီး ထပ်မံ၍ အထိနာမည့်အရေးကို ကာကွယ်ရန်အတွက်ဖြစ်ကြောင်း ရှင်းလင်းပြောကြားလိုက်သည်။ မေဆန်မောင့်သည် ဒုတိယပိုင်းတွင် ဆက်လက်ကစားလိုသော်လည်း အသင်း၌ ဒဏ်ရာရကစားသမားများအပြင် အာဖရိကဖလားသို့ သွားရောက်နေသူ ၇ ဦးအထိ ရှိနေသဖြင့် ထပ်မံအဆုံးရှုံးမခံနိုင်သောကြောင့် ဂျက်ဖလက်ချာနှင့် လဲလှယ်ခဲ့ခြင်းဖြစ်သည်။ မန်ယူနိုက်တက်သည် ယခုပွဲတွင် အနိုင်ရလဒ်ဖော်ဆောင်နိုင်ခဲ့ပြီး ၂ လအတွင်း ပထမဆုံးသော ပရီးမီးယားလိဂ် အိမ်ကွင်းနိုင်ပွဲကို ပြန်လည်ရယူနိုင်ခဲ့ကြောင်း သိရသည်။