တိုက်စစ်မှူး အကီတီကေ အကောင်းဆုံးပုံစံဆက်ထိန်းထားရန် လီဗာပူးလ်နည်းပြ အာနယ်ဆလော့ တိုက်တွန်း

လီဗာပူးလ်အသင်းနည်းပြ အာနယ်ဆလော့က နောက်ဆုံးကစားခဲ့သည့် ပရီးမီးယားလိဂ် ၄ ပွဲတွင် ၅ ဂိုးအထိ သွင်းယူထားနိုင်သည့် တိုက်စစ်မှူး အကီတီကေ အနေဖြင့် အသင်းအတွက် အကောင်းဆုံးပုံစံကို ဆက်လက်ထိန်းသိမ်းထားရန် တိုက်တွန်းပြောကြားလိုက်သည်။ အသက် ၂၂ နှစ်အရွယ်ရှိ အကီတီကေသည် ဖရန့်ဖတ်မှ ပြောင်းရွှေ့လာပြီးနောက် ယခုရာသီတွင် လီဗာပူးလ်အတွက် ၂၄ ပွဲကစား၊ ၁၁ ဂိုး သွင်းယူပေးထားရာ၊ အဓိကကစားသမားများဖြစ်သည့် ဆာလာ (အာဖရိကဖလားသွားရောက်နေသူ) နှင့် အီဆက်ခ် (ဒဏ်ရာရရှိနေသူ) တို့ မပါဝင်နိုင်သည့်အချိန်တွင် ၎င်း၏ခြေစွမ်းမှာ အသင်းအတွက် အလွန်အရေးပါနေခြင်းဖြစ်သည်။ လီဗာပူးလ်အသင်းသည် လက်ရှိတွင် ပြိုင်ပွဲစုံ ၆ ပွဲဆက် ရှုံးပွဲမရှိဘဲ ၃ ပွဲဆက် အနိုင်ရလဒ်ကို ဖော်ဆောင်ထားနိုင်ကြောင်း သိရသည်။