ဗီယင်ကျန်းမြို့နှစ်သစ်ကူးပွဲတော်ကို Lao Brewery Company မှ အဓိကစပွန်ဆာအဖြစ် ကူညီပံ့ပိုးမည်

လာအိုနိုင်ငံ၊ ဗီယင်ကျန်းမြို့ရှိ ပါတူဆိုင် (Patuxay) အထိမ်းအမှတ် အဆောက်အအုံ၌ ကျင်းပမည့် "Vientiane Countdown 2026" ပွဲတော်တွင် Lao Brewery Company (LBC) က အဓိက စပွန်ဆာအဖြစ် ပါဝင်ဆောင်ရွက်သွားမည် ဖြစ်သည်။ အဆိုပါ ပွဲတော်တွင် ပါတူဆိုင် အထိမ်းအမှတ် အဆောက်အအုံ၌ 3D Mapping Show ပြသခြင်း၊ မီးအလှဆင်ခြင်းများနှင့်အတူ နှစ်သစ်ကူးချိန်၌ ကြီးကျယ်ခမ်းနားသော မီးရှူးမီးပန်းများ ပစ်ဖောက်သွားမည် ဖြစ်သည်။ထို့ပြင် လာရောက်လည်ပတ်သူများအတွက် အပြန်အလှန်တုံ့ပြန်မှုရှိသော အစီအစဉ်တစ်ခုအဖြစ် ပွဲတော်အတွင်း သတ်မှတ်ထားသော စာတိုက်သေတ္တာမှတစ်ဆင့် Postcard များ ပေးပို့နိုင်မည်ဖြစ်သည်။ Postcard အစောင်ရေ ၁၀၀ ပြည့်တိုင်း ဒီဇင်ဘာ ၂၉ ရက်မှ ၃၁ ရက်အထိ ညစဉ် ပါတူဆိုင် အထိမ်းအမှတ် အဆောက်အအုံတွင် ရောင်စုံမီးများ ထွန်းညှိပြသသွားမည် ဖြစ်သည်။ အဆိုပါ Postcard များကို ၂၀၂၆ ခုနှစ်တွင် လက်ခံရရှိသူများထံ အမှတ်တရလက်ဆောင်အဖြစ် ပေးပို့ပေးသွားမည်ဟု ဆိုသည်။