ကျောက်တံတားမြို့နယ်၊ မဲရုံအမှတ် (၁) တွင် မဲပေးနေသည့် မြင်ကွင်းများနှင့် ရွေးကောက်ပွဲ ပထမပိုင်းအခြေအနေ

၂၀၂၅ ခုနှစ်၊ အထွေထွေရွေးကောက်ပွဲ၏ ပထမပိုင်းကို ယနေ့ ဒီဇင်ဘာလ (၂၈) ရက်တွင် စတင်ကျင်းပနေပြီဖြစ်ရာ ရန်ကုန်တိုင်းဒေသကြီး၊ ကျောက်တံတားမြို့နယ်၊ အမှတ် (၁) ရပ်ကွက်ရှိ မဲရုံအမှတ် (၁) တွင်လည်း ဒေသခံပြည်သူများ စိတ်ဝင်တစား လာရောက်မဲပေးနေကြပြီဖြစ်သည်။ ယခုပထမပိုင်းတွင် ရန်ကုန်တိုင်းအတွင်းရှိ ကမာရွတ်၊ ကျောက်တံတား၊ ဗိုလ်တထောင်၊ မရမ်းကုန်း၊ သင်္ဃန်းကျွန်းနှင့် အလုံမြို့နယ်များအပြင် တိုက်ကြီး၊ တွံတေး၊ ဒဂုံမြို့သစ်(တောင်ပိုင်း)၊ မင်္ဂလာဒုံ၊ မှော်ဘီနှင့် သန်လျင်မြို့နယ်တို့ အပါအဝင် စုစုပေါင်း မြို့နယ် (၁၂) မြို့နယ်တွင် မဲပေးခြင်းလုပ်ငန်းများကို တစ်ပြိုင်နက် ဆောင်ရွက်လျက်ရှိကြောင်း သိရသည်။