ကရင်ပြည်နယ်၊မြဝတီမြို့၊ အမှတ် (၄) ရပ်ကွက်၊ အာရှလမ်းမကြီးဘေးရှိ ကြံ့ခိုင်ရေးနှင့်ဖွံ့ဖြိုးရေးပါတီရုံးအနီးတွင် ယနေ့ ဒီဇင်ဘာ ၂၇ ရက် ည ၈ နာရီ ၄၅ မိနစ်အချိန်ခန့်က ဒရုန်းဗုံးတစ်လုံး၊ ကုန်းမြင့်သာယာဈေးနှင့် ရပ်တော်မူကျောင်းရှေ့ရှိ မဲရုံပြုလုပ်မည့် ဆရာစံပုအလယ်တန်းကျောင်းအနီးတွင် ည ၉ နာရီ ၁၉ မိနစ်အချိန်က ဒရုန်းဗုံးတစ်လုံး ကျရောက်ပေါက်ကွဲခဲ့ကြောင်း သိရသည်။ ဆရာစံပုအလယ်တန်းကျောင်းအနီး ဒရုန်းဗုံးပေါက်ကွဲမှုဖြစ်စဉ်နှင့်ပတ်သက်၍ ထိခိုက်ပျက်စီးမှုများအား အတည်ပြုနိုင်ရန် စုံးစမ်းမှုများပြုလုပ်နေသည်။
