ရှမ်းပြည်နယ်တောင်ပိုင်း၊ ညောင်ရွှေမြို့နယ် အင်းလေးဒေသသည် ပြီးခဲ့သည့် ငလျင်ဒဏ်ကြောင့် စီးပွားရေး အဆင်မပြေခြင်း၊ အခက်ခဲပေါင်းစုံ ရင်ဆိုင်ခဲ့ရပြီး ဒီဇင်ဘာလမှ စတင်ကာ ပြည်တွင်းခရီးသွားများ စည်ကားလာမှုကြောင့် ဒေသခံများ ဒေသထွက်ကုန် ပစ္စည်းရောင်းချခြင်းဖြင့် အဆင်ပြေလာကြောင်း သိရသည်။တစ်ဖက်တွင်လည်း ခရီးသွားများလာခြင်းကို အခွင့်ကောင်းယူပြီး တချို့က ခရီးသွားများထံမှ စက်လှေခ အဆ မတန်တောင်းခြင်းလည်း ရှိနေကြောင်း သိရသည်။အင်းလေးဒေသအလည်သွားကြသူများအနေဖြင့် စက်လှေဌားသည့်အခါ လှေကြိုများထံဌားခြင်း မပြုလုပ်ဘဲ လှေဂိတ်မှ တိုက်ရိုက်ဌားရမ်းကြရန် အကြံ ပြုပြောသည်။
