ရှမ်းပြည်နယ် (အရှေ့ပိုင်း)၊ တာချီလိတ်မြို့၌ ဒီဇင်ဘာလ (စတုတ္ထပတ်) လူထုစုပေါင်း လမ်းလျှောက်ပွဲ နောက်ဆုံးပတ်အနေဖြင့် ယနေ့ နံနက် ၅ နာရီ ၁၅ မိနစ်က ရှမ်းရိုးမကွင်းရှေ့ စုရပ်မှ စတင်ကာ စုပေါင်းလမ်းလျှောက်ကြသည်။စုပေါင်းလမ်းလျှောက်ပွဲသို့ ခရိုင်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌ ဦးတင်ဝေသုံနှင့် ခရိုင်/မြို့နယ် စီမံအုပ်ချုပ်ရေးအဖွဲ့ဝင်များ၊ ဌာနဆိုင်ရာဝန်ထမ်းများ၊ ကျောင်းဆရာ/ ဆရာမများ၊ ကျောင်းသား/ ကျောင်းသူများ၊ လူမှုရေးအသင်းအဖွဲ့များ၊ ဒေသနေပြည်သူများက ရှမ်းရိုးမ ကွင်းရှေ့စုရပ်မှ ဗိုလ်ချုပ်လမ်းမကြီးအတိုင်း မြို့မအားကစားကွင်းအထိ စုပေါင်းလမ်းလျှောက်ကာ ကိုယ်လက်ကြံ့ခိုင်ရေး အတွဲ (၁)၊ အတွဲ (၂)လေ့ကျင့်ခန်းများ တပျော်တပါး ပျော်ရွှင်စွာ စုပေါင်း ပါဝင်လှုပ်ရှားဆောင်ရွက်ခဲ့ကြပြီး လမ်းလျှောက်ပွဲတွင် ပါဝင်ဆင်နွှဲကြသူများအား ကောက်ညှင်း ပေါင်းနှင့် အကြော်များ ဝေငှခဲ့ကြပါတယ်။
