စင်ကာပူလေကြောင်းSIA လေယာဉ်ပေါ်တွင် ခရီးသည်၏ပစ္စည်း ခိုးယူရန်ကြိုးပမ်းသည့် တရုတ်နိုင်ငံသားကို စင်ကာပူတရားရုံးက ထောင်ဒဏ် ၂၀ လ ချမှတ်

စင်ကာပူလေကြောင်းလိုင်း (SIA) ၏ Business Class တွင် လိုက်ပါလာသည့် ခရီးသည်တစ်ဦး၏ လက်ဆွဲအိတ်အတွင်းမှ စင်ကာပူဒေါ်လာ ၁ သိန်းကျော်တန်ဖိုးရှိ ပစ္စည်းများကို ခိုးယူရန် ကြိုးပမ်းခဲ့သည့် အသက် ၂၆ နှစ်အရွယ် တရုတ်နိုင်ငံသား Liu Ming အား စင်ကာပူတရားရုံးက ဒီဇင်ဘာလ ၂၃ ရက်တွင် ထောင်ဒဏ် ၂၀ လ ပြတ်ပြတ်သားသား ချမှတ်လိုက်သည်။ ၎င်းသည် ရာဇဝတ်ဂိုဏ်းတစ်ခု၏ ငွေကြေးထောက်ပံ့မှုဖြင့် ဒူဘိုင်း-စင်ကာပူ ခရီးစဉ်အတွင်း ငွေကြေးတတ်နိုင်သူများကို ပစ်မှတ်ထားခိုးယူရန် စေလွှတ်ခံရသူဖြစ်ပြီး၊ ခရီးသည်များ အိပ်ပျော်နေချိန်တွင် ပစ္စည်းတင်စင်အတွင်းရှိ အိတ်ကို ခိုးယူရန် ကြိုးပမ်းစဉ် ပစ္စည်းပိုင်ရှင်၏ ဇနီးဖြစ်သူက မြင်တွေ့သွားရာမှတစ်ဆင့် ဖမ်းဆီးခံခဲ့ရခြင်းဖြစ်သည်။ အဆိုပါဖြစ်စဉ်မှာ ခိုးယူမှု မအောင်မြင်သော်လည်း လေယာဉ်ပေါ်ရှိ လုံခြုံရေးနှင့် ခရီးသည်များ၏ ဘေးကင်းမှုကို ထိခိုက်စေသဖြင့် ပြင်းထန်သည့် ပြစ်ဒဏ်ချမှတ်ခဲ့ခြင်းဖြစ်ကာ၊ ခရီးသွားပြည်သူများအနေဖြင့် လေယာဉ်စီးနင်းစဉ် မိမိတို့၏ တန်ဖိုးကြီးပစ္စည်းများကို အပေါ်တင်စင်တွင် ထည့်ထားရုံနှင့် စိတ်မချဘဲ သတိရှိရှိ ထိန်းသိမ်းကြရန် တိုက်တွန်းနှိုးဆော်ထားသည်။