ကမ္ဘောဒီးယား-ထိုင်း ပဋိပက္ခကြောင့် အရပ်သား ၃၀ ဦး သေဆုံးပြီး ၆ သိန်းကျော် အိုးမဲ့အိမ်မဲ့ဖြစ်ရဟု ကမ္ဘောဒီးယားပြည်ထဲရေး ဝန်ကြီးဌာနဆို

ကမ္ဘောဒီးယားနှင့် ထိုင်းနိုင်ငံအကြား ဖြစ်ပွားခဲ့သော ပဋိပက္ခများကြောင့် ဒီဇင်ဘာလ ၂၄ ရက်နေ့အထိ ကမ္ဘောဒီးယားအရပ်သား ၃၀ ဦး သေဆုံးခဲ့ရကြောင်း ကမ္ဘောဒီးယား ပြည်ထဲရေးဝန်ကြီးဌာနက ထုတ်ပြန်ခဲ့သည်။ သေဆုံးသူများထဲတွင် ဆီယမ်ရိပ် (Siem Reap) ပြည်နယ်ရှိ ဒုက္ခသည်စခန်းမှ ၉ ဦး ပါဝင်ပြီး၊ စုစုပေါင်း ၈၇ ဦး ဒဏ်ရာရရှိခဲ့သည်။ ထို့အပြင် ယခုပဋိပက္ခကြောင့် လူပေါင်း ၆၃၀,၀၀၀ ကျော် အိုးမဲ့အိမ်မဲ့ ဖြစ်ခဲ့ရရာ ၎င်းတို့အနက် အမျိုးသမီး ၃၃၀,၀၀၀ နှင့် ကလေးငယ် ၂၀၀,၀၀၀ ကျော် ပါဝင်နေသဖြင့် လူသားချင်းစာနာထောက်ထားမှုဆိုင်ရာ အကူအညီများ အရေးပေါ်လိုအပ်နေကြောင်း သိရသည်။