ရှမ်းပြည်၊ လွိုင်လင်မြို့နယ်တွင် ပထမအကြိမ်အဖြစ် ဘိန်းစိုက်ခင်း ဧက ၁,၇၀၀ နီးပါးကို ဖျက်ဆီး

ရှမ်းပြည်နယ် (တောင်ပိုင်း)၊ လွိုင်လင်မြို့နယ်အတွင်းရှိ မိုင်းပွန်နှင့် ပင်လုံမြို့တို့၏ အနီးဝန်းကျင် တောင်စောင်း၊ လျှိုမြောင်များတွင် စိုက်ပျိုးထားသည့် ဘိန်းစိုက်ခင်း (၁,၆၉၉) ဧက ကို ဒီဇင်ဘာ ၉ ရက်မှ ၂၄ ရက်အတွင်း ပထမအကြိမ်အဖြစ် ဖျက်ဆီးနိုင်ခဲ့သည်။ လွိုင်လင်တပ်နယ်မှူး၊ ရဲတပ်ဖွဲ့နှင့် မီးသတ်တပ်ဖွဲ့ဝင်များပါဝင်သော ပူးပေါင်းအဖွဲ့နှစ်ဖွဲ့သည် အမြင့် ၃ ပေခန့်ရှိ သီးပွင့်ဆဲ ဘိန်းခင်းများကို ကွင်းဆင်းဖျက်ဆီးခဲ့ခြင်းဖြစ်ကာ မူးယစ်ဆေးဝါး ပပျောက်ရေးအတွက် ဆက်လက်ဆောင်ရွက်လျက်ရှိကြောင်း သိရသည်။