ဒီလအတွင်းနှစ်နိုင်ငံကြား စစ်ရေးပဋိပက္ခတွေ ပြန်လည်ဖြစ်ပွားပြီးနောက် ထိုင်းနဲ့ကမ္ဘောဒီးယား ဟာ အပစ်အခတ်ရပ်စဲရေး ဆွေးနွေးမှုတွေ ပြန်လည်စတင်လိုက်ပါတယ်။နှစ်နိုင်ငံ နယ်စပ်တစ်လျှောက်မှာ တိုက်ပွဲတွေ ဆက်ဖြစ်ခဲ့ပြီး အရပ်သားတွေ အပါအဝင် လူ ၄၀ ကျော် သေဆုံးကာ ၇၀၀,၀၀၀ ကျော် အိုးအိမ်စွန့်ခွာခဲ့ရပါတယ်။ဒီဇင်ဘာ၂၄ရက်ဗုဒ္ဓဟူးနေ့နေ့လည်ပိုင်းက နယ်စပ်အနီးမှာ ဆွေးနွေးမှုတွေ စတင်ခဲ့တယ်လို့ နှစ်နိုင်ငံစလုံးက ကြေညာခဲ့ပါတယ်။ဒီဇင်ဘာ၂၇ရက်စနေနေ့မှာပြုလုပ်မယ့် အစည်းအဝေးသို့ ထိုင်းနဲ့ကမ္ဘောဒီးယားမှ ကာကွယ်ရေးဝန်ကြီးတွေ တက်ရောက်ကြဖို့ မျှော်မှန်းရပါတယ်။မလေးရှားနိုင်ငံ၊ ကွာလာလမ်ပူမြို့တော်မှာကျင်းပတဲ့ အာဆီယံ နိုင်ငံခြားရေးဝန်ကြီးတွေရဲ့ အ ထူးအစည်းအဝေးမှာ အပစ်အခတ်ရပ်စဲရေး ဆွေးနွေးမှုတွေ ပြန်လည်စတင်ဖို့ နှစ်ဘက်စလုံးက သဘော တူခဲ့တာပါ။
