ပဲခူးမှ ရန်ကုန်သို့ သွားလာရန် လိုအပ်သူများနှင့် ပဲခူးမှ ရထားစီးနင်းသူများ အဆင်ပြေစေရန် ပဲခူး - ရန်ကုန်၊ ရန်ကုန် - ပဲခူးခရီးစဉ်ကို DEMU ဖြင့် တိုးချဲ့ပြေးဆွဲစေခဲ့ပြီး ခရီးစဉ်အချိန်မှာ ပဲခူးမှ နံနက် ၆:၃၀ နာရီ၊ ရန်ကုန်မှ ညနေ ၅:၁၅ နာရီတွင် ဖြစ်ပါတယ်။ယခုအခါ ထိုအချိန်တွင်ပြေးဆွဲနေတဲ့ ရထားခရီးစဉ်ကို ရပ်ဆိုင်းလိုက်ပြီး မူလခရီးစဉ်ဖြစ်တဲ့ ပဲခူးဘူတာမှ နံနက် ၆ နာရီ၊ ရန်ကုန်ဘူတာမှ ညနေ ၄:၄၅ နာရီတွင် ပြေးဆွဲနေတဲ့ ခရီးစဉ်ကိုတော့ ပုံမှန်အတိုင်း ပြေးဆွဲလျက်ရှိပါတယ်။ပြေးဆွဲလမ်းကြောင်းတွင် ပုဇွန်တောင်၊ မလွှကုန်း၊ သင်္ဃကျွန်း၊ တိုးကြောင်ကလေး၊ ရွာသာကြီး၊ လေးထောင့်ကန်၊ ဒါးပိန်၊ ကော့ချဲ၊ ထုံးကြီး၊ ကျောက်တန်း၊ တာဝ၊ ဘုရားသုံးဆူဘူတာတို့မှာ ရပ်တန့်ပေးပြီး ရပ်တန့်လိုက်တဲ့ တိုးချဲ့ခရီးစဉ်ကိုတော့ မည်သည့်အကြောင်းအရင်းဖြင့် ရပ်ဆိုင်းလိုက်ခြင်းကိုတော့ မသိရပေ။
