နေပြည်တော် ပုပ္ဗသီရီမြို့နယ် ရေပြာရွာအနီးတွင်ယနေ့ ဒီဇင်ဘာ၂၄ ရက် နေ့လည် ၁၂ နာရီဝန်းကျင်က ဖြစ်ပွားခဲ့တာဖြစ်ပြီး ရေပြာရွာအနီးတွင် လင်းမယား နှစ်ယောက် ရေအိုးများလုပ်ရန်အတွက် မြေများသယ်ယူနေရာမှ မြေကမ်းပါးပြိုကျခဲ့တာဖြစ်တယ် လို့ မွန်မြတ်သူလူမှုကူညီရေးအသင်းမှ တာဝန်ရှိသူတစ်ဦးကပြောပါတယ်။ မြေပြိုကျမှုကြောင့် အသက်၂၃နှစ် ဇနီးဖြစ်သူမှာ နေရာတွင်သေဆုံးခဲ့ပြီး အမျိုးသားဖြစ်သူမှာတော့ ထိခိုက်ဒဏ်ရာများရရှိခဲ့တယ်လို့ သိရပါတယ်။
