စည်းကမ်းမဲ့အမှိုက်ပစ်ချခဲ့မှုတို့ကြောင့်၊ ရေမြောင်းပိတ်ဆို့မှုဒဏ်ခံနေရကြောင်း၊ ပြင်ဦးလွင်မြို့ဒေသခံများ ညည်းတွားပြောဆိုနေကြသည်။ခရီးသွားအများဆုံးဝင်ရောက်ခဲ့သည့် အမျိုးသားကန်တော်ကြီးဥယျာဉ်အနီးဝန်းကျင်ရပ်ကွက်များတွင် အဆိုးရွားဆုံးကြုံတွေ့နေရပြီး၊ ကိုယ်ထူကိုယ်ထစနစ်ဖြင့်ရှင်းလင်းနေရကြောင်း ၎င်းတို့က ဆိုသည်။ခရီးသွားများအနက်၊ စည်းကမ်းမဲ့အမှိုက်ပစ်ချခဲ့သူများကြောင့်၊ ရေမြောင်းပိတ်ဆို့မှုဒဏ်ခံနေရခြင်းဖြစ်ပြီး၊ နောက်ဆက်တွဲအကျိုးဆက်(ပြစ်ချက်)အဖြစ်၊ ဒေသတွင်းပတ်ဝန်းကျင်ညစ်ညမ်းမှုကို ဖြစ်ပေါ်စေနိုင်သည်ဟု သဘာဝပတ်ဝန်းကျင်ထိန်းသိမ်းရေးအဖွဲ့အစည်းအချို့ကလည်း မှတ်ချက်ပြုသည်။
