ထိုင်းလက်နက်ကိုင်တပ်ဖွဲ့များ အင်အားတိုးမြှင့်ရန် အစိုးရက အသုံးစရိတ် ဘတ် ၅ ဘီလီယံကျော်ခွင့်ပြု

ထိုင်းလက်နက်ကိုင်တပ်ဖွဲ့များ၏ စွမ်းဆောင်ရည် မြှင့်တင်ရာတွင် လိုအပ်သော စက်ကိရိယာများ ဝယ်ယူရန် အစိုးရက ဘတ် ၅ ဘီလီယံကျော်ခွင့်ပြုပေးလိုက်ကြောင်း ဒီဇင်ဘာ ၂၃ ရက် တွင် အစိုးရအိမ်တော်၌ ပြုလုပ်သော အစည်းအဝေး၌ ဝန်ကြီးချုပ်ရုံး ပြောရေးဆိုခွင့်ရှိသူ စရီဖွန် အန်ကာဆာကူလ်က ပြောကြားသည်။ အဆိုပါ ဝယ်ယူမည့် အသေးစိတ်အချက်အလက်များကိုမူ လျှို့ဝှက်အဆင့်အဖြစ် သတ်မှတ်ထားသော်လည်း အစိုးရအနေဖြင့် စစ်တပ်၏ စွမ်းဆောင်ရည်မြှင့်တင်ရေးကို အပြည့်အဝ ထောက်ခံအားပေးနေကြောင်း ၎င်းက ပြောကြားသည်။