စင်ကာပူတွင် အိမ်ထောင်ရှိလျက် ဗီယက်နမ်၌ ထပ်မံလက်ထပ်ခဲ့သူ အမျိုးသမီး ထောင်ဒဏ် ၁၂ ပတ် ချမှတ်ခံရ

စင်ကာပူတွင် အခြေချနေထိုင်သည့် အသက် ၃၆ နှစ်အရွယ် ဗီယက်နမ်အမျိုးသမီး Nguyen Thi Phuong Thuy သည် သူမ၏ စင်ကာပူနိုင်ငံသား ခင်ပွန်းနှင့် တရားဝင် ကွာရှင်းထားခြင်းမရှိဘဲ ဗီယက်နမ်တွင် အခြားအမျိုးသားတစ်ဦးနှင့် ထပ်မံလက်ထပ်ခဲ့သည့် လင်ရှိမယားရှိလျက်နှင့် နောက်ထပ်လက်ထပ်မှု ပြစ်မှုကြောင့် ဒီဇင်ဘာလ ၁၉ ရက်တွင် စင်ကာပူတရားရုံးက ထောင်ဒဏ် ၁၂ ပတ် ချမှတ်လိုက်သည်။ သူမသည် ၂၀၀၈ ခုနှစ်တွင် စင်ကာပူနိုင်ငံသားနှင့် လက်ထပ်ခဲ့ပြီးနောက် ၂၀၁၅ ခုနှစ်တွင် ဗီယက်နမ်၌ နောက်အိမ်ထောင်ပြုခဲ့ခြင်းဖြစ်ကာ၊ လူဝင်မှုကြီးကြပ်ရေးအာဏာပိုင် ထံတွင်လည်း အချက်အလက်လိမ်လည်မှုများ ပြုလုပ်ခဲ့ကြောင်း သိရသည်။ တရားရုံးတွင် မိသားစုကို ကျွေးမွေးနေရသူဖြစ်သဖြင့် ညှာတာရန် ငိုယိုတောင်းပန်ခဲ့သော်လည်း ဥပဒေအရ ပြစ်ဒဏ်ချမှတ်ခံခဲ့ရခြင်းဖြစ်ပြီး၊ စင်ကာပူဥပဒေအရ ယင်းပြစ်မှုသည် အမြင့်ဆုံး ထောင်ဒဏ် ၇ နှစ်အထိ ချမှတ်နိုင်သည့် ပြစ်မှုကြီးဖြစ်သည်။