တုတ်ကွေး K ရောဂါပိုး မြန်မာနိုင်ငံတွင် မတွေ့ရှိသေးကြောင်း ကျန်းမာရေးဝန်ကြီးဌာန အတည်ပြု

တရုတ်နိုင်ငံအပါအဝင် ကမ္ဘာ့နိုင်ငံပေါင်း ၃၄ နိုင်ငံတွင် ကူးစက်ပြန့်ပွားလျက်ရှိသော ရာသီတုတ်ကွေး မျိုးကွဲသစ် Influenza A H3N2 Subclade K ရောဂါပိုးသည် မြန်မာနိုင်ငံတွင် ယနေ့အထိ ကူးစက်မှု မရှိသေးကြောင်း ကျန်းမာရေးဝန်ကြီးဌာနက ထုတ်ပြန်ကြေညာခဲ့သည်။ ဓာတ်ခွဲစမ်းသပ်မှုများအရ မြန်မာနိုင်ငံရှိ လူထုအတွင်း Influenza A H3N2 ပိုးကို ခုခံနိုင်စွမ်း အသင့်အတင့်ရှိနေပြီး လက်ရှိအသုံးပြုနေသော တုတ်ကွေးကာကွယ်ဆေးများနှင့် ကုသဆေးများဖြင့်လည်း ထိရောက်စွာ ကာကွယ်ကုသနိုင်ကြောင်း သိရသည်။