ရှမ်းပြည်နယ်(အရှေ့ပိုင်း)ကျိုင်းတုံမြို့နယ် ကတ်တောင်ကျေးရွာအုပ်စု ဝမ်ညှင်း ဘုန်းတော်ကြီးသင် ပညာရေးကျောင်းတွင် ရှေးဦးပြုစုခြင်း (အခြေခံ)သင်တန်းကို ဒီဇင်ဘာလ(၁၉)ရက်နေ့မှ ဒီဇင်ဘာလ(၂၁)ရက်နေ့အထိ ပြုလုပ်ခဲ့ရာ ကျိုင်းတုံမြို့နယ်ကြက်ခြေနီအသင်းခွဲမှ နည်းပြများက စာတွေ့၊ လက်တွေ့ သင်ကြားပို့ချပေးခဲ့ပါသည်။ဝမ်ညှင်း ဘုန်းတော်ကြီးသင် ပညာရေးကျောင်းသည် ရှမ်းပြည်နယ်(အရှေ့ပိုင်း)မြို့နယ်များမှ ဝေးလံခေါင်ဖျား တောင်ပေါ်ဒေသများရှိ ဆင်းရဲနွမ်းပါးနှင့် မိဘမဲ့ တိုင်းရင်းသားများအား ပညာသင်ကြားပေးနေခြင်းဖြစ်ပြီး အဆိုပါရှေးဦးပြုစုခြင်း(အခြေခံ)သင်တန်း (၆/၂၀၂၅) သို့ ကိုရင်များအပါအဝင် ကျောင်းသား/သူများနှင့် ဆရာ/ဆရာမ စုစုပေါင်း (၃၂) ဦး စိတ်ဝင်စားစွာ တက်ရောက်သင်ယူခဲ့ပါသည်။
