နာပိုလီအသင်း အီတလီစူပါဖလား ချန်ပီယံဖြစ်၊ တစ်နှစ်အတွင်း ဆုဖလားနှစ်ခုဖြင့် စံချိန်သစ်တင်

နာပိုလီအသင်းသည် မနေ့ညက ကျင်းပခဲ့သည့် အီတလီစူပါဖလား ဗိုလ်လုပွဲတွင် ဘိုလော့ညာအသင်းကို တောင်ပံကစားသမား ဒေးဗစ် နီရက်စ်၏ သွင်းဂိုး ၂ ဂိုးဖြင့် အနိုင်ရကာ ချန်ပီယံဆုကို ဆွတ်ခူးနိုင်ခဲ့သည်။ ယခုအောင်မြင်မှုသည် နာပိုလီအသင်းအတွက် တတိယအကြိမ်မြောက် အီတလီစူပါဖလား အောင်မြင်မှုဖြစ်ပြီး၊ ဂန္ထဝင်ကစားသမားကြီး ဒီယေဂို မာရာဒိုနာ ခေတ်နောက်ပိုင်းတွင် တစ်နှစ်အတွင်း ဆုဖလား ၂ ခုကို ပထမဆုံးအကြိမ်အဖြစ် ပြန်လည်ရယူနိုင်ခဲ့သည့် သမိုင်းဝင် အောင်မြင်မှုတစ်ခုလည်း ဖြစ်လာခဲ့သည်။