ပြည်တွင်းရွှေဈေး စံချိန်တင်မြင့်တက်၊ ၁၆ ပဲရည် တစ်ကျပ်သား ကျပ် ၉၁ သိန်းကျော်ဖြစ်လာ

၂၀၂၅ ခုနှစ်၊ ဒီဇင်ဘာလ ၂၂ ရက်နေ့တွင် ပြည်တွင်းရွှေဈေးနှုန်းမှာ ၁၆ ပဲရည် တစ်ကျပ်သားလျှင် ကျပ် ၉၁ သိန်းကျော်အထိ ရောက်ရှိကာ စံချိန်တင် အမြင့်ဆုံးဈေးသို့ မြင့်တက်လာကြောင်း သိရသည်။ ကမ္ဘာ့ရွှေဈေး စံချိန်တင်မြင့်တက်လာမှုနှင့်အတူ ပြည်တွင်းပြင်ပဈေးကွက်တွင် ယခုကဲ့သို့ ဈေးနှုန်းများ မြင့်တက်နေခြင်းဖြစ်သော်လည်း ရန်ကုန်တိုင်းရွှေလုပ်ငန်းရှင်များအသင်း (YGEA) ကမူ ရွှေတစ်ကျပ်သားလျှင် ၅၉ သိန်း ၉ သောင်း ၉ ထောင်ကျပ်ဖြင့် ရောင်းချရန် ရည်ညွှန်းဈေး သတ်မှတ်ထားကြောင်း သိရသည်။