မြန်မာနိုင်ငံရှိ လိမ်လည်မှုစင်တာများမှ ကယ်တင်ခဲ့သည့် မလေးရှားနိုင်ငံသား ၃၁ ဦး နေရပ်သို့ ပြန်လည်ရောက်ရှိ

မြန်မာနိုင်ငံ၊ မြဝတီမြို့ရှိ အွန်လိုင်းလိမ်လည်မှုစင်တာများတွင် ပိတ်မိနေသည့် မလေးရှားနိုင်ငံသား ၃၁ ဦးကို အဆင့်မြင့်သံတမန်ရေးရာ ညှိနှိုင်းမှုများဖြင့် ကယ်တင်နိုင်ခဲ့ပြီးနောက် ဒီဇင်ဘာ ၂၀ ရက် စနေနေ့ ညနေပိုင်းတွင် ထိုင်း-မလေးရှားနယ်စပ်ရှိ ဘူကစ်ကာယူဟီတမ် (Bukit Kayu Hitam) လဝကစခန်းမှတစ်ဆင့် နေရပ်သို့ အောင်မြင်စွာ ပြန်လည်ပို့ဆောင်နိုင်ခဲ့သည်။ အဆိုပါအဖွဲ့သည် တရားမဝင်ဝင်ရောက်မှုဖြင့် ဖမ်းဆီးခံထားရခြင်း၊ တရားရုံးလုပ်ငန်းစဉ်များနှင့် ဒဏ်ငွေပေးဆောင်ရမှုများကြောင့် နေရပ်ပြန်ရန် နှောင့်နှေးခဲ့သော်လည်း ထိုင်းနှင့် မြန်မာအစိုးရတို့၏ ပူးပေါင်းဆောင်ရွက်မှု၊ ဘန်ကောက်ရှိ မလေးရှားသံရုံး၏ အကြိတ်အနယ်ညှိနှိုင်းမှုများကြောင့် ပြန်လည်လွတ်မြောက်လာခြင်းဖြစ်သည်။ မလေးရှားနိုင်ငံခြားရေးဝန်ကြီးဌာနက နေရပ်ပြန်လာသူများကို ရဲတပ်ဖွဲ့ထံလွှဲပြောင်းကာ လိမ်လည်ဂိုဏ်းများနှင့်ပတ်သက်၍ ဆက်လက်စုံစမ်းစစ်ဆေးသွားမည်ဖြစ်ပြီး၊ မိမိတို့နိုင်ငံသားများအနေဖြင့် ပြည်ပရှိ အွန်လိုင်းအလုပ်အကိုင် လိမ်လည်မှုများကို အထူးသတိပြုကြရန်လည်း တိုက်တွန်းနှိုးဆော်ထားသည်။