ဂျပန်၏ နျူကလီးယားလက်နက် ပိုင်ဆိုင်ရန် ကြိုးပမ်းမှုကို တားဆီးရန် မြောက်ကိုရီးယား တိုက်တွန်း

ဂျပန်နိုင်ငံသည် နျူကလီးယားမပိုင်ဆိုင်ရေး အခြေခံမူများကို ပြန်လည်သုံးသပ်ပြီး နျူကလီးယားလက်နက် တပ်ဆင်ရန် ရည်မှန်းချက်ကို အကောင်အထည်ဖော်နေကြောင်း၊ ၎င်းလုပ်ရပ်သည် နိုင်ငံတကာဥပဒေများနှင့် ဂျပန်ဖွဲ့စည်းပုံအခြေခံဥပဒေကို စိန်ခေါ်ခြင်းဖြစ်ကြောင်း မြောက်ကိုရီးယား နိုင်ငံခြားရေးဝန်ကြီးဌာနက ဝေဖန်ပြောကြားခဲ့သည်။ ဂျပန်၏ စစ်ရေးမူဝါဒ ပြင်ဆင်မှုများသည် အာရှဒေသနှင့် လူသားမျိုးနွယ်အပေါ် ကြီးမားသော ဘေးအန္တရာယ်ဖြစ်စေနိုင်သဖြင့် ငြိမ်းချမ်းရေးကို မြတ်နိုးသူများအနေဖြင့် ဂျပန်၏ စစ်ရေးရည်မှန်းချက်များကို ပြတ်သားစွာ ဟန့်တားသင့်ကြောင်း ထုတ်ပြန်ခဲ့သည်။