လာအိုနှင့် ကမ္ဘောဒီးယားနိုင်ငံတို့အကြား နယ်စပ်ဖြတ်ကျော် QR ငွေပေးချေမှု ဒုတိယအဆင့်ကို စတင်လိုက်ပြီဖြစ်

လာအိုနှင့် ကမ္ဘောဒီးယား နှစ်နိုင်ငံစလုံးမှ ပြည်သူများအနေဖြင့် မိမိတို့၏ မိုဘိုင်းဘဏ်လုပ်ငန်းအက်ပ် (Mobile Banking Apps) များကို အသုံးပြု၍ နယ်စပ်ဖြတ်ကျော်ကာ လွယ်ကူချောမွေ့စွာ ငွေပေးချေနိုင်မည့် ဒုတိယအဆင့် (Phase 2) လုပ်ငန်းစဉ်ကို ဒီဇင်ဘာ ၁၉ ရက်တွင် စတင်လိုက်ပြီဖြစ်သည်။ အဆိုပါစနစ်ကြောင့် နှစ်နိုင်ငံခရီးသွားများနှင့် ကုန်သည်များအတွက် ငွေကြေးလဲလှယ်ရန် မလိုဘဲ မိမိတို့နိုင်ငံရှိ ဘဏ်အကောင့်များဖြင့် တိုက်ရိုက်ပေးချေနိုင်မည်ဖြစ်ရာ ကုန်သွယ်ရေးနှင့် ခရီးသွားလာရေးကဏ္ဍများကို ပိုမိုမြှင့်တင်ပေးနိုင်မည် ဖြစ်သည်။